Delight in Simple Things

“Teach us delight in simple things.

And mirth that has no bitter springs”

— Diocesan Boys’ School School Hymn

「開心」同「唔開心」分別係啲咩？講穿咗，其實只係一個期望同現實之間嘅遊戲。

如果現實 turns out 俾期望好，自然會開心；而如果現實 turns out 比期望差，自然會唔開心。

啲老屎忽成日話「你依家有乜有物，你哋要知足啦」，其實就係反映緊呢個問題。喺以前物質無咁豐富嘅年代，對「好嘅生活」期望冇咁高，自然相對容易滿足；但係嚟到 21 世紀嘅香港，經濟同科技發達，好多對於以前係奢華嘅嘢都已經變咗基本。用老屎忽嘅角度睇，我哋呢啲年輕人當然「應該」知足，因為我哋擁有嘅已經俾佢哋當年多好多。

不過唔應該係噉的。

過往幾十年嘅經濟發展，就係嚟自對現狀嘅不滿足。科技可以發展得更好，而經濟亦都一樣。唯有對現狀覺得唔滿足，講得香港可以「更好」，先會有社會嘅進步。用一個角度睇，當然可以覺得對現狀感到不滿係一個「唔知足」嘅心態；但係唔對現狀感到不滿，又何來進步？

選擇「知足」定提升期望去尋求進步嘅矛盾，即使應用喺日常生活，都依然不斷出現。

低期望但係現實 turns out 更好，自然會開心。所以如果想自己開心就有兩個方法：

第一，就係去改變現實，令到現實更加容易超越自己嘅期望。如果現實超越到自己嘅期望，自然會覺得開心；

第二，就係去調節自己嘅期望。如果自己嘅期望低，現實就自然容易超越期望，然後覺得開心。

第二個選項係一條容易嘅路，亦都好簡單。正所謂「知足常樂」，只要對於現狀感到安穩，唔尋求更好，其實好容易開心。不過容易嘅路唔代表佢一定係一條好嘅路。

對於我嚟講，我繼續凈係專心讀 Law，考好個試，入到大 Firm 做律師或者係觸手可及。我只要將自己對自己嘅期望控制喺呢個範圍入面，我未來嘅幾廿年都應該幾容易開心。知足，可以係令我覺得「足夠」嘅方法。

不過好悶。Perhaps I'm delusional, but I believe that I am capable for more.

以我依家嘅 profile，無乜理由 achieve 唔到更高嘅目標，亦都唔應該框死自己喺法律界入面。

由 Studygram 到寫 blog 同整片，都係嘗試去尋找我可以突破嘅範疇。但係食得呢啲「高風險」活動，就要見到佢哋失敗嘅可能性。

所以又再次陷入需要平衡「知足」定提升期望嘅矛盾。我要提升自己期望去 push 自己做得好啲，定係「知足」噉唔去 push 自己，去防止自己成日唔開心？我暫時嘅方向係去 aim high，不過享受途中每一個小成就。就好似當係打機嘅 side quests 或者 achievements 噉去睇件事。

On one hand，我需要 aim high 去推動自己向前，唔係我只會原地踏步。但係不斷 aim high 只會令我唔開心——因為不斷製造一啲超越能力嘅目標，只會喺達成唔到嘅時候令我失望。而當我不斷因為噉而失望嘅時候，遲早會放棄呢啲目標。

所以 on the other hand，我都要學識去享受途中嘅一啲小成就，細 achievements，當每一個都係一個 blessing, and not to take it as granted。如果我能夠平衡兩邊，就能夠喺 aim high 嘅同時唔失去動力，亦都可以保持住「開心」。

Delight in simple things.

Thanks for 100 subs on YouTube. Nothing big, but meant a lot to me.